Jugendensembel

Ewéi de Jugendensembel am Joer 2015 gegrënnt ginn ass, ass et dorëms gaange, fir déi Jonk besser an der Miedernacher Musek ze integréieren.  No engem éischten Optrëtt op engem vun eisen Galaconcerten huet sech erausgestallt, dass d`Idee , ee Jugendensembel ze grënnen, ee volle Succès war, - och am Hibléck op d`Zukunft vun eiser Musek.

Firwat ass den Jugendensembel wichteg?

D’Roll vum Jugendensembel ass, datt Kanner a Jugendlecher, déi dee selwechten Hobby hunn, kënnen zesumme musizéieren a Spaass hunn. Duerch dat fréit Zesummespille kréien déi Jonk schonn eng bestëmmte Grondbasis an e gewëssenen Niveau. Den Iwwergank an déi grouss Musek fält dann méi liicht.

Déi jonk Musikanten fänken zesummen am Grupp un, hirem Niveau ugepassten Stecker ze spillen. Doduerch fänke si un, sech un dat gemeinsaamt Spillen ze gewinnen a sech un déi aner unzepassen. D’ Schüler kënnen spéider dann an déi grouss Musek wiesselen, wann si bestëmmt musikalesch Kompetenzen erlaangt hunn.  

Sou funktionéiert eise Jugendensembel

Fir an eisem Jugendensembel matspillen ze kënnen muss ee wärend zwee Joer en Instrumente-Cours ofgeschloss hunn.

D’Prouf fënnt zu Miedernach am Musekssall ee Mol an der Woch wärend enger Stonn statt. Dëst ass Donneschdes Owes vun 19h00 bis 20h00, an dat virun der Prouf vun der grousser Musek.

Eise Jugendensembel huet all Joer e puer Optrëtter, wou si eleng oder zesumme mat der grousser Musek optrieden. Dëst sinn ënnert anerem de Chrëschtconcert an de Galaconcert.

Sidd dir interesséiert an hutt Loscht bei eis matzemaachen? Dann sidd dir häerzlech wëllkomm a kënnt Iech fir weider Informatioune gäre per Mail oder per Telefon mat eis a Verbindung setzen.

 

Memberen

Andrade Monteiro Ana Paula
Carvahlo Julia
Scheuren Sylvie
Ury Yves
Zeihen Matthieu
Zeihen Sophie

Dirigent

Magaly Da Silva Ferreira